«PSJ» tarbiyalanuvchisi faoliyatini Bundesligada davom ettirishi mumkin
«Nottingem Forest» hujumchisi Arno Kalimuendoga Bundesliganing «Shtutgart» klubi qiziqish bildirmoqda. Bu haqda Sky Germany xabar berdi.
Manbaga ko‘ra, nemis klubi vakillari futbolchining agentlari bilan ehtimoliy transfer bo‘yicha dastlabki muzokaralarni boshlagan. Kalimuendo o‘tgan yil yozida «Renn»dan 30 million yevro evaziga «o‘rmonchilar» safiga qo‘shilgandi.
Maʼlumot uchun, fransiyalik hujumchi «PSJ» akademiyasining tarbiyalanuvchisi bo‘lib, katta futbolda ham parijliklar safida o‘ynagan.
Shuningdek, uning faoliyatida «Lans» klubi ham bor. Joriy mavsumda Arno «Nottingem Forest» uchun 9 ta o‘yinda maydonga tushdi, biroq samarali harakatlar qayd eta olmadi.
Transfermarkt ma’lumotiga ko‘ra, futbolchining hozirgi bozor qiymati 30 million yevroni tashkil etadi.
