«PSJ» Ruiz bilan shartnomani uzaytiradi
Uning amaldagi shartnomasi 2027 yil o'rtalarigacha mo'ljallangan.
ФОТО: Getty images
"PSJ" yarim himoyachisi Fabian Ruiz klub bilan shartnomasini yaqin vaqt ichida uzaytirishi kutilmoqda. Bu haqda jurnalist Fabrice Hawkins xabar berdi.
Tomonlar kelishuvga juda yaqin ekani haqida avval ham turli manbalar xabar bergan edi.
Yangi kelishuvga ko'ra, ispaniyalik futbolchining maoshi oshishi ta'kidlandi. Kutilmagan holat yuz bermasa, kelishuv tez orada yakunlanadi.
29 yoshli Ruiz 2022 yil avgustidan beri PSJ safida o'ynab kelmoqda. Uning amaldagi shartnomasi 2027 yil o'rtalarigacha mo'ljallangan. Joriy mavsumda u Luis Enrike jamoasida 22 uchrashuvda 2 ta gol va 3 ta assist qayd etdi.
Roziqjon Sultonmurodov
Jurnalist