PSJ muxlislariga mashina urib ketdi: bir nechta jabrlanuvchilar bor

Futbol 08 may 2025 da 02:55

Bakradze Iman

Redaktor

Parijda "PSJ" jamoasining Chempionlar Ligasi finaliga chiqishini nishonlayotgan muxlislar ustidan avtomobil urib ketdi, deb xabar bermoqda Le Parisien nashri.

Guvohlarning so‘zlariga ko‘ra, kamida uch nafar muxlis tibbiy yordamga muhtoj bo‘ldi: ulardan biri juda og‘ir ahvolda, yana ikkitasi engil tan jarohatlari olgan. Bir jabrlanuvchi nosilkada shifoxonaga olib ketildi.

Hodisadan so‘ng o‘nlab muxlislar ushbu avtomobil ortidan yugurdi. Bir necha daqiqalar o‘tib, mashina voqea joyidan unchalik uzoq bo‘lmagan yerda yonib ketgan holatda topildi. Hozircha haydovchi va yo‘lovchilar qo‘lga olingan-olinmagani, shuningdek, bu harakatga nima sabab bo‘lgani noma’lum.

Eslatib o‘tamiz, Chempionlar Ligasi yarim finalida "PSJ" umumiy 3:1 hisobi bilan "Arsenal"ni mag‘lub etib, finalga yo‘l oldi.

Aloqador jamoalar va ligalar

Paris Saint-Germain