«PSJ» ketma-ket uchinchi mavsum Chempionlar Ligasi yarimfinaliga yoʻl oldi
Parijliklar turnirning amaldagi chempioni hisoblanadi.
FOTO: Getty Images
«Pari Sen-Jermen» «Liverpul»ni 2:0 hisobida mag‘lub etdi (umumiy hisob — 4:0) va ketma-ket uchinchi bor UEFA Chempionlar Ligasining yarimfinaliga yo‘llanma oldi.
2023/2024 yilgi mavsumda parijliklar chorak finalda «Barselona» to‘sig‘idan o‘tishgan edi (2:3, 4:1). O‘tgan mavsumda esa Fransiya jamoasi «Aston Villa» ustidan qozonilgan g‘alaba (3:1, 2:3) evaziga yarimfinalga chiqqan edi. Amaldagi musobaqaning ushbu bosqichida parijliklar «Real Madrid» — «Bavariya» juftligi g‘olibi bilan to‘qnash kelishadi.
Ma’lumot uchun, 1/8 final bosqichida «PSJ» ikki o‘yin natijasiga ko‘ra «Chelsi»ni 8:2 hisobida taslim etgan edi. «Qizillar» esa xuddi shu bosqichda «Galatasaroy»ni mag‘lub etishgan (umumiy hisob — 4:1).
Nasrullo Karimov
Jurnalist