«PSJ» golli uzatmadan oldingi pas muallifiga qoʻshimcha bonus tizimini joriy qildi
L’Équipe nashrining xabar berishiga ko‘ra, «Pari Sen-Jermen» klubi futbolchilar uchun yangi bonuslar tizimini joriy qildi. Endilikda golli uzatmadan oldingi pasni amalga oshirgan o‘yinchilar maoshiga qo‘shimcha moliyaviy bonus qo‘shib beriladi.
Manbaning ta’kidlashicha, ushbu tizim bosh murabbiy Luis Enrikening taktik uslublarini yaxshiroq tushunishga yordam beradi — bunday uzatmalarni tahlil qilish jamoaning hujumkor kombinatsiyalari mantiqini ochib beradi.
Shuningdek, bitta vaziyatning o‘zida ham gol urib, ham golli uzatmadan oldingi pas muallifiga aylangan holatlar alohida qiziqish uyg‘otmoqda. Bunga misol sifatida 8 aprel kuni UEFA Chempionlar Ligasi chorak finali doirasida bo‘lib o‘tgan «Liverpul»ga qarshi uchrashuv (2:0) keltirildi. Mazkur bahsda hujumchi Xvicha Kvarasxeliya yarimhimoyachi Joau Nevesh ishtirokidagi uzoq davom etgan kombinatsiyadan so‘ng gol urdi va amalda o‘zi ushbu hujumni boshlab berib, golli assistdan oldingi pas muallifiga ham aylandi.
