Prev'yu. «Paxtakor» - «Bunyodkor»
Superliga 27-turida "Paxtakor" Toshkent derbisida "Bunyodkor" bilan toʻqnashadi.
“Bunyodkor” bilan kechadigan derbilar har doim keskin va shiddatli bahslarga boy oʻtadi.
Hozirgacha oʻtkazilgan 39 bellashuvning 15 tasida "Sherlar" gʻalaba qozongan. 10 ta bahsda durang natija qayd etilgan, 14 uchrashuvda esa raqib ustun kelgan. "Paxtakor" 51 ta gol urib, 46 ta gol oʻtkazib yuborgan.
Jamoalar oʻrtasidagi eng yirik natija 2020 yil birinchi davrasida qayd etilgan boʻlib, unda "Paxtakor" 5:0 hisobida gʻalaba qozongan. "Paxtakor" maydonidagi bellashuvlarda 9 gʻalaba, 6 durang va 4 magʻlubiyat qayd etilgan. Gollar nisbati ham "sherlar" foydasiga — 27:15.
"Paxtakor" va "Bunyodkor" jamoalari oʻrtasidagi oʻyin 3-noyabr, dushanba kuni soat 18:30 da "Jar" stadionida boshlanadi.
