Previyu. “Mash’al” – “Qizilqum”
Superliganing 9-turida Muborakning “Mash’al” jamoasi Navoiyning “Qizilqum” jamoasiga qarshi maydonga tushadi.
Uchrashuv rasmiylari
G‘uzorda bo‘lib o‘tadigan "Mash’al" – "Qizilqum" uchrashuvini Xushnud Suyunboev boshqarib boradi. Uning qanotlarida Avaz Abdullaev va Baxtiyorxo‘ja Shavkatovlar yordam berishadi. Zaxira hakami Anvar Ismoilov. Hakamlarga Viktor Serazitdinov nazorat qiladi. Uchrashuv komissari Vladimir Nazarov.
O‘zaro o‘yinlar
“Mash’al” va “Qizilqum” shu kungacha chempionat bahslarida 34 marta to‘qnash kelgan. G‘alabalar bo‘yicha “Qizilqum”da 11 ta, “Mash’al” esa 10 tadan yutuqqa erishgan. 13 o‘yin durang bilan yakunlangan. "Gazchi"lar raqib darvozasini 44 bor ishg‘ol qilgan bo‘lsalar, navoiyliklar esa 42 gol urishgan.
“Mash’al”ning o‘zaro o‘yinlarda qo‘lga kiritgan eng yirik g‘alabasi – 6:1 ga teng. “Qizilqum”da bu ko‘rsatkich 6:3 bo‘lib turibdi.