Portugaliyalik “Manchester City” himoyachisi Ruben Dias “Aston Villa”ga qarshi bahsdan so‘ng taassurotlari bilan bo‘lishdi

Angliya Premer-ligasida 34-tur o‘tkazildi. “Manchester City” o‘z maydonida “Aston Villa”ni qabul qilib, 2:1 hisobida g‘alaba qozondi.

Bahsni “City” himoyachisi Ruben Dias sharhladi. BBC Sport xabariga ko‘ra, u shunday degan:
“Aston Villa — bizning to‘g‘ridan-to‘g‘ri raqibimiz, ular oltilikka kirish uchun harakat qiladi. Ushbu o‘yin biz uchun juda muhim edi va g‘alaba ham. Endi qolgan to‘rt o‘yinni ham xuddi shunday ishonch bilan o‘tkazishimiz kerak. Oxirgi daqiqalarga qadar kurash davom etadi. Mavsum yakunida birinchi to‘rtlikka kirish biz uchun katta ahamiyatga ega”.

Hozirgi vaqtda “Manchester City” turnir jadvalida 3-o‘rinni egallab turibdi va “Arsenal”dan besh ochkoga ortda qolmoqda.

Bakradze Iman

Redaktor