Portugaliyalik agent: «O‘zbekiston Kolumbiyaga qarshi o‘yinga qaraganda ancha yomon o‘ynadi»
Portugaliyalik agent Paulu Barbosa JCH–2026 guruh bosqichining 2-turida O‘zbekistonga (5:0) qarshi o‘yinning natijasiga munosabat bildirdi.
«O‘zbekiston Kolumbiyaga qarshi o‘yiniga nisbatan ancha yomonroq o‘ynadi. Bu ajablanarli, chunki ular yaxshi jamoa. Biroq, Portugaliyaga qarshi o‘yinning dastlabki 20 daqiqasida O‘zbekiston hattoki hujumga ham chiqa olmadi. Keyinroq bir oz yaxshiroq harakat qilishdi, lekin baribir bu jamoa jahon chempionatida ilgari ko‘rsatgan darajasidan ancha past bo‘ldi, shu sababli 0:5 hisobida mag‘lub bo‘ldi.
Portugaliya esa Kongoga qarshi o‘yinga nisbatan ancha yaxshi o‘ynadi, ayniqsa birinchi bo‘limda. Biroq, bizning jamoamiz o‘z darajasini yana oshirishi kerak, chunki oldinda Kolumbiyaga qarshi bahs kutmoqda. Unda ayniqsa himoyada yaxshi harakat qilish talab etiladi, hujumda ham muammolar bor», — dedi Barbosa.
