Portugaliya terma jamoasini kim boshqarishi ma’lum bo‘ldi
Jezush 2025 yil iyulidan 2026 yil mayiga qadar Saudiya Arabistonining “Al-Nasr” klubini boshqardi.
ФОТО: Getty images
Tajribali mutaxassis Jorje Jezush Portugaliya milliy terma jamoasi bosh murabbiyi etib tayinlanishi kutilmoqda. Bu haqda A Bola nashri xabar berdi.
Manbaga ko‘ra, Jezush jamoa AQSHdan Portugaliyaga qaytgach, mamlakat futbol federatsiyasi bilan muzokara o‘tkazadi. Federatsiya 71 yoshli mutaxassisni Portugaliya, Ispaniya va Marokash hamkorlikda mezbonlik qiladigan 2030 yilgi Jahon chempionatiga tayyorgarlik ko‘rish uchun eng munosib nomzod sifatida baholamoqda.
Ma’lumot uchun, Jorje Jezush 2025 yil iyulidan 2026 yil mayiga qadar Saudiya Arabistonining “Al-Nasr” klubini boshqardi. U jamoani mamlakat chempionligiga olib chiqqanidan so‘ng klubni tark etishini e’lon qildi.
