Portugaliya kambek evaziga Xorvatiyani mag‘lub etdi
Portugaliya terma jamoasi 2026 yilgi Jahon chempionati 1/16 final bahsida Xorvatiyani 2:1 hisobida mag‘lub etdi. Natijada portugallar nimchorak finalga yo‘l oldi.
Kanadaning Toronto shahridagi “BMO Field” stadionida bo‘lib o‘tgan uchrashuvni norvegiyalik hakam Espen Eskas boshqarib bordi.
O‘yinda hisobni 53-daqiqada Ivan Perishich ochdi. 68-daqiqada esa Krishtianu Ronaldu penaltidan hisobni tenglashtirdi. Portugaliyaga g‘alaba keltirgan gol esa asosiy vaqtga qo‘shib berilgan 90+4-daqiqada kiritildi. Rafael Leauning aniq uzatmasidan so‘ng Gonsalu Ramush to‘pni darvoza to‘riga yo‘llab, jamoasiga muhim g‘alabani taqdim etdi.
Shu tariqa, portugaliyaliklar minimal hisobda zafar quchib, Jahon chempionatining nimchorak final bosqichiga chiqdi.
Endi Portugaliya 1/8 final bosqichida Ispaniya bilan to‘qnash keladi. Ushbu uchrashuv joriy yilning 6 iyul kuni bo‘lib o‘tadi.
