Portugaliya — Ispaniya o‘yiniga Entoni Teylor hakamlik qiladi
JCh-2026 1/8 finalining yana ikki muhim uchrashuvi uchun hakamlar brigadasi e’lon qilindi.
FIFA qaroriga ko‘ra, Portugaliya — Ispaniya bahsini angliyalik hakam Entoni Teylor boshqaradi.
Unga qanotlarda Gari Besvik va Adam Nann yordam beradi. Ularning har ikkisi ham Angliya vakillari hisoblanadi.
Ushbu uchrashuvda zaxira hakami sifatida germaniyalik Feliks Svayer ishlaydi. Zaxira yordamchi hakam vazifasi esa Robert Kempterga topshirilgan.
AQSH — Belgiya o‘yinini esa iordaniyalik Adham Mahadme boshqaradi. Unga Mohammad Al-Kalaf va Ahmad Al-Roalle yordam beradi.
Mazkur bahsda zaxira hakami sifatida gabonlik Per Acho, zaxira yordamchi hakam sifatida esa Boris Ditsoga ishlaydi.
Eslatib o‘tamiz, Portugaliya — Ispaniya va AQSH — Belgiya uchrashuvlari JCh-2026 1/8 finalining eng qiziqarli qarama-qarshiliklari qatorida turibdi.
