Pogba «Monako»dagi kelajagi haqidagi savolga javob berdi
«Monako» yarimhimoyachisi Pol Pogba jarohatdan so‘ng Liga 1 29-tur doirasidagi «Parij»ga qarshi bahsda (1:4) maydonga qaytdi va jamoada qolishi borasida fikr bildirdi.
«Olqishlar? Bu meni chinakamiga hayratga soldi. Bu yerda, ushbu stadionda his qilganlarim... rostini aytsam, bunday vaziyat guvohi bo‘lish yoqimli. Bu yuragimga beg‘ubor iliqlik olib kirdi. E’tiborimni o‘yinga qaratgan edim, biroq muxlislarni juda yaxshi eshitib turardim va bu ajoyib holat.
O‘zimni juda yaxshi his qilyapman va jamoamga asosiy maqsad — Chempionlar ligasi yo‘llanmasini qo‘lga kiritishda imkon qadar yordam bermoqchiman.
Keyingi mavsum haqida o‘ylayapmanmi? Hozircha shu yerdaman [Monakoda] va menda bor ma’lumotga ko‘ra, hamkorligimiz hali uzoq davom etadi. Hozir faqat oldinda kutib turgan o‘yinlar haqida o‘ylayapman.
Asosiy tarkibda tushish yoki maydonda to‘liq harakat qilish? Men doim tayyor bo‘lishim kerak. Murabbiy men tayyorligimni biladi va hammasi unga bog‘liq — u meni maydonga tushirishni xohlarmikan, men u uchun yetarli darajada yaxshimimanmi... Mashg‘ulotlar sizni tayyor bo‘lishingiz va maydonda 90 daqiqa harakat qilishingiz uchun zamin yaratadi», — dedi Pogba Foot Mercato nashriga.
