Pochettino kelasi mavsumdan boshlab «Real»ni boshqarishi mumkin — manba
Argentinalik mutaxassis hozirda AQSh bosh murabbiyi hisoblanadi.
FOTO: Getty Images
AQSH terma jamoasi bosh murabbiyi Maurisio Pochettino kelasi mavsumda Madridning «Real» klubini boshqarishi mumkin. Bu haqda COPE jurnalisti Migel Anxel Dias xabar bermoqda.
«Menda Maurisio Pochettino kelasi mavsumda «Real» murabbiyi bo‘ladi degan taassurot uyg‘onmoqda. O‘ylashimcha, «qaymoqranglilar» yangi murabbiy nomini e’lon qilish uchun uzoq kutib o‘tirishmaydi», — dedi Dias.
Pochettino 2024 yilning sentyabr oyidan buyon AQSH terma jamoasi bosh murabbiyi lavozimida ishlab kelmoqda. Argentinalik mutaxassisning amaldagi shartnomasi 2026 yilning iyul oyi oxirigacha mo‘ljallangan.
«Real»ni esa shu yilning yanvar oyidan beri Alvaro Arbeloa boshqarib kelmoqda. Uning madridliklar bilan shartnomasi 2027 yilning yoziga qadar imzolangan.
Roziqjon Sultonmurodov
Jurnalist