Pirlo Italiya terma jamoasini boshqarishi mumkin
Afsonaviy futbolchi va murabbiy Andrea Pirlo Italiya terma jamoasi bosh murabbiyi lavozimiga asosiy nomzodlardan biriga aylandi. Bu haqda La Gazzetta dello Sport xabar bermoqda.
Manbaga ko'ra, Italiya futbol federatsiyasining yangi texnik direktori Paolo Maldini hamda uning maslahatchisi Leonardo milliy jamoa bosh murabbiyligi uchun aynan Pirlo nomzodini ustuvor variant sifatida ko'rib chiqmoqda.
Shuningdek, federatsiya rahbariyati Pep Gvardiola, Antonio Konte va Roberto Manchini nomzodlarini ham o'rganmoqda. Xabar qilinishicha, hafta oxiriga qadar yakuniy tanlov amalga oshiriladi. Shundan so'ng Italiya futbol federatsiyasi prezidenti Jovanni Malago tanlangan mutaxassis bilan rasmiy muzokaralarni boshlash bo'yicha qaror qabul qiladi.
Eslatib o'tamiz, Andrea Pirlo 2025 yil yozidan buyon BAAning ikkinchi divizionida ishtirok etuvchi "Dubay Yunayted" klubini boshqarib kelmoqda. 47 yoshli mutaxassis faoliyati davomida "Yuventus", Turkiyaning "Fatih Karagyumryuk" va Italiyaning "Sampdoriya" jamoalarida ham bosh murabbiy sifatida ishlagan.