Pep Gvardiola Xusanov haqida: Hamma futbolchi men uchun muhim
“Manchester Siti”ning “Fulhem” ustidan 2:0 hisobidagi g‘alabasidan so‘ng Pep Gvardiola Jek Grilishning tarkibda yo‘qligi haqida izoh berdi va jamoada barcha futbolchilarga birdek e’tibor qaratishini ta’kidladi.
Jurnalistlar Grilishning nima uchun o‘yinda qatnashmaganini so‘rashdi. Bu haqda so‘z yuritar ekan, Gvardiola shunday dedi:
“Grilishdan noroziman deganmanmi? Bu haqiqatga zid. U men uchun boshqa o‘yinchilar singari muhim. Masalan, Abduqodir Xusanov, Vitor Roke, Jeyms Makayti — ular bugun o‘ynamagan bo‘lsa-da, men ular haqida qayg‘uraman. Jamoamda farq yo‘q — har bir futbolchi men uchun ahamiyatli”.
“Siti” Premyer-liga mavsumini yakunladi va endi 15 iyunda start oladigan klublar o‘rtasidagi jahon chempionatiga tayyorgarlik ko‘rmoqda. Gvardiola boshchiligidagi jamoa musobaqaga jiddiy yondashishi kutilmoqda.
