Paulu Barbosa: «Ronaldu oʻz merosiga oʻzi putur yetkazmoqda»
Portugal futbol agenti Paulu Barbosa Portugaliya terma jamoasi hujumchisi Krishtianu Ronaldu haqida keskin fikr bildirdi.
«Krishtianu Ronaldu — bu muammo. Afsuski, u avvalgi darajasida emas. U shaxsiy rekordlarini terma jamoa manfaatlaridan ustun qo‘ymoqda.
Kecha Ronaldu Jahon chempionatini tark etdi, ammo shunga qaramay, 2028-yilgi Yevropa chempionatida ham o‘ynashni xohlayotganiga ishora qildi. Har qanday buyuk futbolchi uchun faoliyatini yakunlash qiyin kechadi. Ronaldu hali ham o‘zini yuqori darajada deb hisoblaydi, lekin bu unday emas.
Lionel Messi hamon yuqori saviyada o‘ynayapti, chunki u jamoa uchun harakat qiladi. Ronaldu esa buni qilmayapti.
Ronaldu oʻz merosiga oʻzi putur yetkazmoqda. U yangi avlodga yo‘l berish vaqti kelganini tushunmayapti. Endi boshqa futbolchilar oʻynashi, jamoadagi tizim aniq shakllanishi kerak. Katta ego — bu muammo va bunday futbolchilar uchun maydonni tark etish har doim qiyin boʻladi», — dedi Barbosa.