Paul Simonis — \"Volfsburg\" bosh murabbiyi
Photo: Getty Images
Germaniyaning “Volfsburg” klubi yangi bosh murabbiyni e'lon qildi.
Klub rasmiy saytida xabar berilishicha, “bo'rilar”ni “Gou Ehed Iglz” sobiq ustozi Paul Simonis boshqaradi. Tomonlar 2027 yilgacha shartnoma tuzishdi. U may oyining boshida o‘z lavozimini tark etgan Ralf Hazenhüttl o‘rnini egalladi.
Yakunlangan mavsumda 40 yoshli Simonis jamoasi bilan Niderlandiya kubogini qo‘lga kiritgan, Erediviziyada 7-o‘rinni egallagandi.
“Volfsburg” esa Bundesligani 11-pog‘onada yakunlagan.
