Patrik Viyeyra: «Peres sen «Real»ning taklifini rad etgan yagona futbolchi bo‘lgansan», degan edi».
Patrik Viyeyra faoliyati davomida uni «Real» Madridga to‘rt marta taklif qilishganini so‘zlab berdi.
photo: gettyimages
«Arsenal», «Yuventus», «Inter» va «Manchester Siti» klublari sobiq yarim himoyachisi Patrik Viyeyra faoliyati davomida uni «Real» Madridga to‘rt marta taklif qilishganini so‘zlab berdi.
«Futboldagi faoliyatim davomida faqat bir narsadan afsuslanaman — «Real»ga o‘tmaganimdan. «Arsenal»da o‘ynab yurgan vaqtlarimda (1996–2005 yillar) to‘rt yil davomida ketma-ket meni taklif qilishgan. So‘nggi urinishda men «ha» deb javob bergandim, hamma narsa kelishib bo‘lingandi. Ammo keyin o‘ylanib qoldim — «Arsenal»ni juda ham qattiq yaxshi ko‘rardim.
Vaqt o‘tib, «Manchester Siti» elchisi sifatida Madridga borganimda, Florentino Peres menga: «Sen «Real»ning taklifini rad etgan yagona futbolchi bo‘lgansan», degan edi».
Ibrohim Jalolov
Redaktor
