Patrik Shik Chexiya terma jamoasidagi faoliyatini yakunlaganini e'lon qildi

Chexiya terma jamoasi va Germaniyaning “Bayer” klubi hujumchisi Patrik Shik milliy terma jamoadagi faoliyatini yakunlashga qaror qilganini rasman ma'lum qildi.

30 yoshli futbolchi ushbu qaror uzoq o‘ylanganini va Jahon chempionatidagi muvaffaqiyatsiz ishtirok ta'sirida shoshilinch qabul qilinmaganini ta'kidladi. Uning so‘zlariga ko‘ra, terma jamoadagi faoliyati davomida doimo mamlakatini munosib himoya qilish uchun bor kuchini sarflagan.

Patrik Shik 2016-yilda Chexiya terma jamoasida debyut qilgan. U milliy jamoa safida 56 ta uchrashuvda maydonga tushib, 26 ta gol muallifiga aylandi hamda mamlakat futboli tarixidagi eng sermahsul hujumchilardan biri sifatida faoliyatini yakunladi.

Nasrullo Karimov

Jurnalist

0 0 0 0 0 0