O‘zbekistonlik kurashchilar Osiyo chempionatining birinchi kunini to‘rtta medal bilan boshladilar
Iordaniyada 25-mart kuni kurash bo‘yicha Osiyo chempionati start oldi. Musobaqa 30-martgacha davom etadi. Chempionatning birinchi kunida O‘zbekiston terma jamoasi 3 ta oltin va 1 ta bronza medalini qo‘lga kiritdi. Birinchi kunni yunon-rim kurashchilari boshlab berdilar.
Eng yuqori - oltin medallarga Aytjan Xalmaxanov (-63 kg), Aram Vardanyan (-77 kg) va Jalgasbay Berdimuratov (-87 kg) sazovor bo‘ldilar. (-55 kg) vazn toifasida Ixtiyor Botirov bronza medalini qo‘lga kiritdi. 26-mart kuni musobaqalar yana 5 ta vazn toifasida o‘tkaziladi.
O‘zbekistonlik sportchilarning bellashuv jadvali:
-60 kg: Alisher G‘aniyev - Ali Abdunasir (Iordaniya) / Ziyue Si (Xitoy)
-67 kg: Nozimjon Boyqo‘ziyev - Muntir Jandu (Saudiya Arabistoni)
-72 kg: Abdullo Aliyev - Begmurat Nobatov (Turkmaniston) / Ahmad Barahman (Saudiya Arabistoni)
-82 kg: Muhammadqodir Rasulov - Muhammad Nagousi (Eron)
-97 kg: Behruz Barnoyev - Ibrohim Fallatah (Saudiya Arabistoni)
