O‘zbekistonlik hakamlar OFK chaqiruv ligasi yarim final bahsini boshqaradi

Futbol 08 apr 2025 da 11:31

Nasrullo Karimov

Журналист

Joriy yilning 10-aprel kuni OFK chaqiruv ligasi (AFC Challenge League) 2024/25-yilgi mavsumining yarim final uchrashuvi bo‘lib o‘tadi. Unda Kambodjaning “Svay Rieng” jamoasi Indoneziyaning “Madura Yunayted” klubiga qarshi maydonga tushadi.

O'FA matbuot xizmatining xabariga ko'ra, ushbu bahsni boshqarish o‘zbekistonlik hakamlar brigadasiga ishonib topshirildi.

Bosh hakam Asker Najafaliyev, unga qanotlarda Ruslan Serazitdinov va Baxtiyorxo'ja Shavkatov yordam beradi. Shuningdek, Firdavs Norsafarov to‘rtinchi hakam sifatida faoliyat olib boradi.