O‘zbekistonlik bombardir Eron klubiga o‘tdi
Rasm: uza.uz Jasur Yaxshiboyev
O‘zbekistonlik hujumkor yarim himoyachi, 27 yoshli futbolchi Jasur Yaxshiboyev
Qozog‘istonning "Ordabasi" jamoasidan Eronning "Nosoji Mazandaran" klubiga o‘tdi.
Shartnoma "0,5+1" shaklida tuzildi, bu Yaxshiboyevning joriy mavsum oxirigacha (yarim yil) klubda o‘ynashi va yana bir yilga uzaytirish imkoniyati mavjudligini anglatadi.
O‘zbekistonlik futbolchi erkin transfer asosida "Nosoji Mazandaran" jamoasi safiga qo‘shildi.
Jasur Yaxshiboyev o‘tgan mavsumni to‘liq Qozog‘istonda o‘tkazib, 17 ta o‘yinda ishtirok etdi va 9 ta gol urdi. Yaxshiboyev Qozog‘iston Premer-ligasining 21-turida "Astana" darvozasiga eng chiroyli golni kiritdi
Bakradze Iman
Redaktor