O'zbekistonlik 5 nafar hakamlar CAFA U-20 musobaqasida faoliyat yuritmoqda
Shundan 2 nafari bosh hakam sifatida ishlamoqda.
Фото: UzFHM
Tojikistonda davom etayotgan CAFA U-20 musobaqasida o‘zbekistonlik hakamlar faoliyat olib bormoqda. Bu haqda O‘zbekiston futbol hakamlari markazi rasmiy kanali xabar bermoqda.
20-mayga qadar Tojikistonda davom etadigan turnirda O‘zbekistondan Abdurashid Xudoyberganov va Doston Rahmonov bosh hakam sifatida, Baxtiyorxo‘ja Shavkatov hamda Avaz Abdullayev yordamchi hakam sifatida ishlamoqda.
Shuningdek, Vladislav Tseitlin musobaqada hakamlar instruktori sifatida qatnashmoqda.
Roziqjon Sultonmurodov
Jurnalist