O‘zbekistonlik 2 nafar futbolchi Portugaliya klubiga o‘tdi

O‘zbekiston U-20 terma jamoasi a’zolari Sadriddin Hasanov va Sayfiddin Sodiqov Portugaliyaning “Braga” klubi futbolchilariga aylandi. Bu haqda klub matbuot xizmati xabar berdi.

Bu futbolchilar 17 yoshgacha bo‘lgan futbolchilar o‘rtasidagi Osiyo Kubogida g‘olib chiqqan O‘zbekiston o‘smirlar terma jamoasida to‘p surgan. Hasanov turnirning eng yaxshi futbolchisi deb topilgan va Saudiya Arabistoniga qarshi kechgan final uchrashuvida (2:0) gollardan biriga mualliflik qilgan.

Ikkala futbolchi ham joriy mavsumda O‘zbekiston Superligasida debyut qildi. Sodiqov “Andijon” safida uchta o‘yinda maydonga tushgan bo‘lsa, Hasanov Toshkentning “Bunyodkor” klubi tarkibida 6 ta uchrashuvda qatnashdi.

Roziqjon Sultonmurodov

Jurnalist