O'zbekistonga qarshi o'yin Qozog'iston terma jamoasi murabbiyi uchun hal qiluvchi bo'lishi mumkin
Qozog'iston milliy terma jamoasi bosh murabbiysiz qolishi mumkin. Ali Aliyevning kelajagi sentabrda bo'lib o'tadigan jahon chempionati–2026 saralash bosqichi o'yinlari natijalariga bog'liq bo'ladi. Qozog'iston futbol federatsiyasi (QFF) raisi Marat Omarovning ma'lum qilishicha, shuningdek, O'zbekistonga qarshi nazorat uchrashuvi ham muhim mezon sifatida baholanadi.
Omarov Astanadagi matbuot anjumanida murabbiylar shtabiga bo'lgan ishonch chegaralanganini ta'kidladi. Qozog'iston termasi oldidagi uchrashuvlar juda muhim: Uels (o'z maydonida), Belgiya (safarda) va Lixtenshteynga qarshi o'yinlar shular jumlasidan. Shu bilan birga, rasmiy maqomga ega bo'lmaganiga qaramay, O'zbekistonga qarshi bahsga ham alohida e'tibor qaratildi.
«Uels, Belgiya va O'zbekistonga qarshi o'yinlarga qarab qaror qabul qilamiz. Agar kerakli natija bo'lmasa — kadrlar bo'yicha o'zgarishlar bo'ladi», — dedi QFF rahbari.
Shu sababli, O'zbekistonga qarshi o'yin nafaqat Qozog'iston termasining turnirdagi istiqbollariga, balki bosh murabbiyning taqdiriga ham ta'sir ko'rsatishi mumkin.
