O‘zbekiston U-23 terma jamoasi nazorat o‘yinida Xitoyga imkoniyatni boy berdi
O‘zbekiston U-23 terma jamoasi Osiyo o‘yinlari oldidan o‘tkazilgan nazorat uchrashuvida Xitoy U-23 jamoasiga 0:2 hisobida mag‘lub bo‘ldi. Bahs Xitoyning Dalian shahridagi sport majmuasida yopiq eshiklar ortida o‘tkazildi.
Uchrashuvda mezbonlar 28-daqiqada hisobni ochdi. Ikkinchi bo‘limning 83-daqiqasida esa Xitoy yana bir gol urib, yakuniy hisobni 2:0 ko‘rinishiga keltirdi.
Ravshan Haydarov boshchiligidagi O‘zbekiston U-23 terma jamoasi ushbu bahs orqali 2026-yilgi Osiyo o‘yinlari oldidan so‘nggi tayyorgarlik jarayonini o‘tkazdi. Terma jamoa 1-sentyabrdan buyon musobaqaga hozirlik ko‘rib kelmoqda.
Ma’lumot uchun, O‘zbekiston Osiyo o‘yinlarida “C” guruhidan joy olgan. Jamoamiz 15-sentyabr kuni Filippin, 18-sentyabrda Kuvayt va 22-sentyabrda Vyetnamga qarshi maydonga tushadi.
