O‘zbekiston terma jamoasi Dubaydagi yig‘inda Xitoy hamda Armaniston klubiga qarshi o‘rtoqlik uchrashuvi o‘tkazadi

O‘zbekiston milliy terma jamoasi Birlashgan Arab Amirliklarining Dubay shahrida o‘quv-mashg‘ulot yig‘inini o‘tkazmoqda. O‘zbekiston futbol assotsiatsiyasi xabariga ko‘ra, Fabio Kannavaro boshchiligidagi terma jamoa ushbu yig‘in doirasida ikkita o‘rtoqlik uchrashuvi o‘tkazishni rejalashtirgan.

Ma’lumotlarga ko‘ra, O‘zbekiston terma jamoasi yig‘in davomida Xitoy milliy jamoasi hamda Armanistonning “Urartu” klubiga qarshi maydonga tushadi. Mazkur bahslar mashg‘ulot uchrashuvi formatida o‘tkaziladi. Xitoyga qarshi bellashuv 26-yanvar kuni, “Urartu”ga qarshi uchrashuv esa 30-yanvar sanasida bo‘lib o‘tadi.

Roziqjon Sultonmurodov

Jurnalist