O‘zbekiston terma jamoasi darvozaboniga Toshkent markazidan xonadon sovg‘a qilindi
O‘zbekiston milliy jamoasi Jahon chempionatiga chiqqani munosabati bilan yana bir ahamiyatli voqea ro‘y berdi. Mashhur tadbirkor Xurshid Turaev milliy terma jamoa darvozaboni O‘tkiр Yusupovga Toshkent markazidan uch xonali kvartira sovg‘a qildi.
Bu hadya futbolchining terma jamoa tarkibidagi hissasi va O‘zbekistonning tarixiy yutug‘i — Jahon chempionati yo‘llanmasini qo‘lga kiritgani uchun minnatdorchilik ifodasi sifatida taqdim etildi. Eslatib o‘tamiz, terma jamoa ushbu yutug‘a BAAga qarshi o‘yindagi durang orqali erishgandi.
Yusupovga berilgan xonadon zamonaviy ta’mirdan chiqarilgan bo‘lib, barcha zarur jihozlar bilan ta’minlangan. Biznesmen vakilining so‘zlariga ko‘ra, futbolchi istalgan vaqtda yangi uyga ko‘chib o‘tishi mumkin.
Xurshid Turaev nafaqat muvaffaqiyatli tadbirkor, balki sportga qo‘llab-quvvatlov ko‘rsatayotgan faol shaxs sifatida ham tanilgan. Uning tashabbusi jamoatchilikda katta qiziqish uyg‘otdi. Ko‘pchilik bunday e’tibor futbol rivojiga xizmat qilishi va sportchilarni yangi yutuqlarga ilhomlantirishini ta’kidlamoqda.
O‘tkiр Yusupov bu haqda hozircha rasmiy izoh bermagan, ammo jamoaga yaqin manbalarga ko‘ra, u bunday sovg‘adan juda mamnun bo‘lgan.
