O'zbekiston Kubogi. “Xorazm” dahshatli kambek amalga oshirib, “Olimpik Mobiuz”ni taslim etdi

Futbol 09 apr 2025 da 10:21

Nasrullo Karimov

Журналист

O'zbekiston Kubogi guruh bosqichining 1-turidan o'rin olgan “Olimpik Mobiuz” - “Xorazm” bahsi o'z yakuniga yetdi.

Uchrashuvda hisob 15-daqiqada Murodjon Komilov tomonidan ochildi (1:0). Ikkinchi bo'lim o'rtalarida Rustambek Fomin mezbonlarning ustunligini mustahkamladi (2:0).

72-daqiqada esa Rustamjon Abduhamidov oradagi farqni bittaga qisqartirdi. 87-daqiqada esa Dilshod Jo'rayev penaltidan unumli foydalanib, hisobni tenglashtirdi.

Ikkinchi bo'limga qo'shib berilgan daqiqalarda Temurbek Ismoilov xorazmliklarni hisobda oldinga olib chiqdi (2:3). Oradan bir daqiqa o'tar-o'tmas Shahrom Samiyev hisobni 2:4 ko'rinishiga olib keldi.

Shu tariqa, “Xorazm” 2:0 hisobida ortda borib, yakunda kambek amalga oshirdi va uch ochko egasiga aylandi.

O'zbekiston Kubogi | 1-tur

“Olimpik Mobiuz” 2:4 “Xorazm”

Gollari: Murodjon Komilov 15' (1:0), Rustambek Fomin 63' (2:0), Rustamjon Abduhamidov 72' (2:1), Dilshod Jo'rayev 87' pen (2:2), Temurbek Ismoilov 90+5' (2:3), Shahrom Samiyev 90+6' (2:4).