O'zbekiston Kubogi. “So'g'diyona” “Sementchi” darvozasiga javobsiz to'rtta to'p kiritdi
O'zbekiston Kubogi 2-turidan o'rin olgan bahsda “So'g'diyona” va “Sementchi” o'zaro bahs olib bordi va yakunda mezbonlar yirik hisobda g'alaba qozondi.
Dastlab, hisob 5-daqiqada Sahob Rashidov tomonidan ochildi (1:0). 36-daqiqada esa Sardorbek Erkinov jamoasining ikkinchi goliga mualliflik qildi (2:0).
Ikkinchi bo'lim boshida Sardorbek Hoshimov hisobdagi farqni uchtaga yetkazgan bo'lsa (3:0), oradan besh daqiqa o'tib Hoshimovning o'zi dublni rasmiylashtirdi (4:0).
Shu tariqa, “So'g'diyona” ushbu g'alabadan so'ng o'z ochkolari hisobini 6 taga yetkazib, “A” guruhida peshqadamlikni mustahkamlab oldi.
O'zbekiston Kubogi | 2-tur
“So'g'diyona” 4:0 “Sementchi”
Gollar: Sahob Rashidov 5' (1:0), Sardorbek Erkinov 36' (2:0), Sardorbek Hoshimov 51' (3:0), Sardorbek Hoshimov 56' (4:0).
