O'zbekiston Kubogi. “Sho'rtan” “Aral”ni yengib, chorak finalga yo'l oldi
O'zbekiston Kubogi 1/8 final bosqichidan o'rin olgan “Sho'rtan” va “Aral” o'rtasidagi bahs bo'lib o'tdi va unda mezbonlar yirik 4:1 hisobida g'alaba qozondi.
Dastlab, hisob 27-daqiqada Temur Mamasiddiqov tomonidan ochildi. 41-daqiqada Nuriddin Hasanov farqni ikkitaga yetkazdi.
60-daqiqada Doniyor Narzullayev hisobni yirik ko'rinishga keltirdi. 87-daqiqada esa Zulpuqar Quanishbayev mehmonlarning yagona javob to'piga mualliflik qildi.
Ikkinchi bo'limga qo'shib berilgan daqiqalarda Asadbek Saitxonov hisobdagi farqni yana uchtaga yetkazib qo'ydi.
Shu tariqa, “Sho'rtan” chorak final yo'llanmasini qo'lga kiritdi.
O'zbekiston Kubogi | 1/8 final
“Sho'rtan” 4:1 “Aral”
Gollar: Temur Mamasiddiqov 27' pen (1:0). Nuriddin Hasanov 41' (2:0), Doniyor Narzullayev 60' (3:0), Zulpuqar Quanishbayev 87' (3:1), Asadbek Saitxonov 90+3' (4:1).
