O'zbekiston Kubogi. Sakkizta gol kiritilgan o'yinda “Zomin” “Andijon FA”dan ustun keldi
O'zbekiston Kubogi guruh bosqichining 3-turidan o'rin olgan “Zomin” va “Andijon FA” o'rtasidagi bahs bo'lib o'tdi va unda mezbonlar yirik 5:3 hisobida g'alaba qozondi.
Uchrashuvda hisob 7-daqiqada Umidjon Turg'unov tomonidan ochildi (1:0). 27-daqiqada Sergey Proxorov farqni ikkitaga yetkazdi (2:0). 31-daqiqada Abduvohid Oxtayev ham o'z nomini tabloga yozdirib qo'ydi (3:0).
39-daqiqada Akbar Xudayberdiyev o'z darvozasini ishg'ol qilib qo'ydi (3:1). 53-daqiqada Baxtiyor Tojiyev hisobni yanada yiriklashtirdi (4:1).
58-daqiqada Abduvohid Oxtayev dublni rasmiylashtirdi (5:1). 70-daqiqada Muhammaddiyor Hurxonov hisobni qisqartirdi (5:2). 90+3-daqiqada esa Patiddin Zuxriddinov mehmonlarning uchinchi goliga mualliflik qildi (5:3).
Shu tariqa, “Zomin” ushbu g'alabadan so'ng o'z ochkolari hisobini 4 taga yetkazib oldi, biroq guruhda qolib ketdi.
O'zbekiston Kubogi | “F” guruhi, 3-tur
“Zomin” 5:3 “Andijon FA”
Gollar: Umidjon Turg’unov 7' (1:0), Sergey Proxorov 27' (2:0), Abduvohid Oxtayev 31' (3:0), Akbar Xudayberdiyev 39' avtogol (3:1), Baxtiyor Tojiyev 53' (4:1), Abduvohid Oxtayev 58' (5:1), Muhammadiyorbek Hurxonov 70' (5:2), Patidin Zuhriddinov 90+3' (5:3)
Chetlatish: Diyorbek Tojiyev 85' (Zamin)
