O‘zbekiston kubogi. \"Bunyodkor\" penaltilar seriyasida \"Qo‘qon-1912\"ni mag‘lub etdi
Toshkentliklar ham chorak finalga yo‘l oldi.
Photo: Qo'qon 1912
O‘zbekiston Kubogi 1/8 final bosqichidan o‘rin olgan “Qo‘qon-1912” va “Bunyodkor” o‘rtasidagi bahs bo‘lib o‘tdi va unda mehmonlar penaltilar seriyasida g‘alaba qozondi.
Dastlab, hisob 45+2-daqiqada Javohir Husonov tomonidan ochildi. 49-daqiqada Nosirjon Abdusalomov hisobni tenglashtirdi.
Qolgan daqiqalarda hisob o‘zgarmadi. Qo‘shimcha bo‘limlarda ham gol urish hech bir jamoaga nasib qilmadi. Penaltilar seriyasida 5:4 hisobida “Bunyodkor” g‘alaba qozondi.
Shu tariqa, “Bunyodkor” chorak final yo‘llanmasini qo‘lga kiritdi.
O‘zbekiston Kubogi | 1/8 final
“Qo‘qon-1912” 1:1 "Bunyodkor" (pen: 4:5)
Gollar: Javohir Husonov 45+2 - Nosirjon Abdusalomov 49
Roziqjon Sultonmurodov
Jurnalist
