O‘zbekiston kubogi 1/8 finali uchun qur’a 2 iyun kuni tashlanadi

27 may kuni O‘zbekiston kubogi guruh bosqichi bahslari yakuniga yetadi. Shundan so‘ng 1/8 finalda ishtirok etadigan 16 ta klub nomi ma’lum bo‘ladi.

Musobaqaning pley-off bosqichi uchun qur’a tashlash marosimi 2 iyun kuni soat 19:00 da bo‘lib o‘tadi. Jarayon Liga sahifalari orqali jonli efirda namoyish etiladi.

Ma’lumot uchun, guruh bosqichini birinchi o‘rinda yakunlagan jamoa 1/8 final uchrashuvini o‘z maydonida o‘tkazadi. Ikkinchi o‘rinni egallagan klub esa pley-off bahsida safarda harakat qiladi.

Shuningdek, bir guruhda ishtirok etgan jamoalar 1/8 final bosqichida o‘zaro to‘qnash kelmaydi.

Roziqjon Sultonmurodov

Jurnalist