O‘zbekiston Kubogi 1/8 final bosqichiga qur’a tashlash sanasi ma’lum bo‘ldi

O‘zbekiston Kubogining 1/8 final bosqichiga qur’a tashlash marosimi 23 may kuni jonli efirda bo‘lib o‘tadi. Ana shu kuni musobaqaning keyingi bosqichida qaysi jamoalar o‘zaro to‘qnash kelishi aniqlashadi.

Mazkur bosqichda Superliga jamoalari ham musobaqaga qo‘shiladi. Ular avvalgi bosqichlarni bosib o‘tgan Pro-liga va quyi divizion jamoalari bilan birga chorak final uchun kurash olib boradi. Bu bosqichdagi uchrashuvlar yuqori raqobatli va qiziqarli o‘tishi kutilmoqda, chunki g‘oliblar Kubokning keyingi bosqichiga yo‘l oladi.

Eslatib o‘tamiz, shu kuni — 23 mayda Superliganing 11-tur doirasida “Andijon” — “Surxon” uchrashuvi ham bo‘lib o‘tadi. Qur’a tashlash ushbu bellashuvdan avval o‘tkaziladi.

Bakradze Iman

Redaktor