O'zbekiston futbol asossatsiyasi qoshidagi 14 ta hududiy futbol akademiyalari Oʻzbekiston birinchi ligasida ishtirok etadi
Mamlakatimiz rahbarining 2023-yil 7-apreldagi 115-sonli qaroriga muvofiq, 2026-yildan boshlab hududiy futbol maktablarini professional klublarga bosqichma-bosqich biriktirish ishlari amalga oshirilmoqda. Mazkur jarayon klublarni OFK litsenziyalash talablariga moslashtirish hamda akademiyalar faoliyatini professional klublar orqali rivojlantirishga qaratilgan.
Shunga ko‘ra, 14 ta hududiy akademiyalar kichik klub maqomida Liga musobaqalarida mustaqil ishtirok etish huquqiga ega bo‘ladi. Liga FIFA talablari asosida futbolchilarni ro‘yxatdan o‘tkazish, elektron futbolchi pasportini joriy etish hamda akademiyalarning kelgusidagi ehtimoliy daromadlarini ta’minlash masalalarini muvofiqlashtiradi.
Shuningdek, Prezidentning 2025-yil 21-avgustdagi 262-sonli qarori asosida joriy etilgan onlayn platforma orqali akademiyalar faoliyatini rivojlantirish ishlari jadallashtiriladi.
