Oʻzbek futboli tarixida ilk marotaba ayol hakam bosh hakam sifatida faoliyat olib bormoqda
Mazkur bellashuv Superliga tarixida ilk bor ayol hakam ishtirokidagi oʻyin sifatida qayd etildi.
Фото: UzFHM
Oʻzbekiston Superligasining 30-turidan oʻrin olgan “Qizilqum” – “Shoʻrtan” uchrashuvi Nasibabonu Toshmuhammedova boshchiligidagi ayol hakamlar brigadasi tomonidan boshqarilmoqda.
Mazkur bellashuv Superliga tarixida ilk bor ayol hakam ishtirokidagi oʻyin sifatida qayd etilib, milliy futbolimizda muhim voqea boʻlib qoladi.
Nasibabonu Toshmuhammedovaning ushbu uchrashuvni boshqarishi ayol hakamlarning professional bosqichga koʻtarilayotgani va ularning salohiyati yuksak baholanayotganidan dalolat beradi.
Shu bilan birga, ushbu uchrashuv futbolda ayol hakamlarning oʻrni yil sayin mustahkamlanib borayotgani, ular katta musobaqalarda ham ishonch bilan mas’uliyatli vazifalarni bajarishga tayyor ekanini bildiradi.
Roziqjon Sultonmurodov
Jurnalist