Oyarzabal «Barselona» haqidagi mish-mishlarga munosabat bildirdi
«Real Sosyedad» va Ispaniya terma jamoasi hujumchisi Mikel Oyarzabal «Barselona» tomonidan unga bildirayotgan ehtimoliy qiziqish haqidagi xabarlarga o‘z munosabatini bildirdi.
«Agar men haqimda gapirishsa, demak, hammasini to‘g‘ri qilyapman. Lekin bunga alohida e’tibor bermayman va vaqtimni sarflamayman. Hozir ushbu jahon chempionatiga, jamoaga har qanday yo‘l bilan yordam berishga e’tibor qaratganman», — deya futbolchining so‘zlarini keltiradi Mundo Deportivo.
Avvalroq «Barselona» Oyarzabalni Madridning «Atletiko» klubi hujumchisi Xulian Alvaresga muqobil sifatida ko‘rib chiqayotgani ma’lum bo‘lgandi.
O‘tgan mavsumda Oyarzabal «Real Sosyedad» safida 40 ta o‘yin o‘tkazib, 18 ta gol urdi va to‘rtta gollik uzatmaga mualliflik qildi. Transfermarkt portaliga ko‘ra, futbolchining bozor narxi 25 million yevroni tashkil etadi.
