Oskar Bobb «Fulhem»ga oʻtishga yaqin turibdi — manba
«Manchester Siti» va Norvegiya terma jamoasi hujumchisi Oskar Bobb «Fulhem»ga o‘tishga yaqin. Bu haqda Sky Sports xabar bermoqda.
Manba ma’lumotlariga ko‘ra, londonliklar futbolchi bilan shaxsiy shartlar bo‘yicha kelishuvga erishgan. Endi transferni yakunlash uchun klublar o‘rtasidagi muzokaralar o‘tkazilishi kerak. «Fulhem» Bobbni Adam Traorening o‘rniga ko‘rib chiqmoqda.
Kutilishicha, Traore faoliyatini «Vest Hem Yunayted»da davom ettiradi. «Manchester Siti» bosh murabbiyi Xosep Gvardiola esa Bobb klubni tark etishni istayotganiga ishonch bildirgan.
Joriy klub mavsumida Oskar Bobb 15 ta uchrashuvda maydonga tushib, bitta golli uzatma muallifi bo‘lgan. Transfermarkt ma’lumotlariga ko‘ra, hujumchining hozirgi bozor qiymati 25 million yevroni tashkil etadi.
