O‘rtoqlik o‘yini. «Dinamo» Dubayda Qozog‘iston klubidan ustun keldi
Yangi mavsumga Dubayda tayyorgarlik ko‘rayotgan "Dinamo" jamoasi ilk xalqaro o‘rtoqlik uchrashuvini Qozog‘istonning "Qaysar" klubi bilan o‘tkazdi.
"Al-Rashid" stadionida bo‘lib o‘tgan bahsda Vadim Abramov deyarli barcha futbolchilariga imkoniyat berdi. Uchrashuvning 1-daqiqasidayoq Nurullo To‘xtasinovning uzatmasidan so‘ng Anvarjon Hojimirzayev hisobni ochgan bo‘lsa, birinchi bo‘lim oxirida qozog‘istonliklar hisobni tenglashtirdi – 1:1.
Ikkinchi bo‘limda esa Hojimirzayev avval dublini nishonladi, ko‘p o‘tmay Sanjar Qodirqulov jarima zarbasidan mahoratli gol urib, hisobni 3:1 ga yetkazdi.
Shu tariqa, Samarqand klubi yig‘indagi ilk bahsida Qozog‘iston jamoasidan ustun keldi.
Xalqaro o‘rtoqlik o‘yini. 19-yanvar
Dubay, Al-Rashid stadioni.
"Dinamo" (O‘zbekiston, Samarqand) - "Qaysar" (Qizilo‘rda, Qozog‘iston) – 3:1
Gollar: Anvarjon Hojimirzayev 1, 52 (penalti), Sanjar Qodirqulov 57 – Nurdavlet Agzambaev 33.
"Dinamo": Edem Nemanov, Jahongir O‘rozov, Jaloliddin Jumaboyev, Salim Mustafoev, Sanjar Qodirqulov, Til Mavretich, Nurullo To‘xtasinov, Mirjahon Mirahmadov, Jahongir Abdusalomov, Azizbek Amonov, Anvarjon Hojimirzayev.
