Oʻrtoqlik oʻyini. Argentina terma jamoasi Zambiyani yirik hisobda mag‘lub etdi
Bugun, 1 aprel kuni Buenos-Ayresdagi «Bombonera» stadionida Argentina va Zambiya milliy terma jamoalari o‘rtasida o‘rtoqlik uchrashuvi bo‘lib o‘tdi. Mazkur bahsda mezbonlar 5:0 hisobidagi yirik g‘alabani qo‘lga kiritishdi.
Amaldagi jahon chempionlari tarkibida hujumchilar Xulian Alvares va Lionel Messi, yarimhimoyachi Valentin Barko hamda himoyachi Nikolas Otamendi (penaltidan) o‘z hisoblariga gol yozdirib qo‘yishdi. Shuningdek, Zambiya terma jamoasi a’zosi Dominik Chanda o‘z darvozasini ishg‘ol qilib qo‘ydi.
Ma’lumot uchun, 2026 yilgi Jahon chempionatida Argentina terma jamoasi «J» guruhidan joy olgan. Guruh bosqichida ularga Jazoir, Avstriya va Iordaniya terma jamoalari raqiblik qiladi. Ushbu guruhning barcha uchrashuvlari AQSH stadionlarida o‘tkazilishi belgilangan.
