Opta Kanada — Marokash o‘yini favoritini aytdi
JCh-2026 1/8 finalidan o‘rin olgan Kanada — Marokash uchrashuvi oldidan Opta superkompyuteri jamoalarning imkoniyatlarini baholadi.
Hisob-kitoblarga ko‘ra, Marokash bu bahsda favorit sifatida ko‘rilmoqda. Opta marokashliklarning asosiy vaqtda g‘alaba qozonish ehtimolini 51,8 foiz deb baholagan.
Kanadaning asosiy vaqtdagi g‘alaba ehtimoli esa 21,7 foizni tashkil qilmoqda.
Shuningdek, o‘yinning qo‘shimcha vaqt yoki penaltilar seriyasiga o‘tish ehtimoli 26,5 foiz deb ko‘rsatilgan.
Eslatib o‘tamiz, Kanada guruh bosqichida 4 ochko jamg‘arib, B guruhida ikkinchi o‘rinni egallagan. Marokash esa C guruhida 7 ochko bilan ikkinchi pog‘onadan pley-offga chiqqan.
1/16 finalda Kanada JARni 1:0 hisobida mag‘lub etgan bo‘lsa, Marokash Niderlandiyani penaltilar seriyasida yengib, keyingi bosqichga yo‘l oldi.