Onana \"MYU\"da qolmoqchi
Unga Fransiyadan taklif bo‘lmoqda.
Photo: Getty Images
“Manchester Yunayted” darvozaboni Andre Onana Fransiya chempionatidan taklif bo‘lishiga qaramay, jamoada qolmoqchi.
The Times xabariga ko‘ra, 29 yoshli kamerunlik posbonga “Monako” jiddiy qiziqish bildirmoqda. Monegasqlar allaqachon Onana bo‘yicha taklif yuborgan.
Shunga qaramay, Andre “Manchester Yunayted”da qolishni xohlamoqda va asosiy tarkib uchun raqobatlashishga tayyor.
Eslatib o‘tamiz, kamerunlik futbolchi 2023 yilning yozida 47 million funt evaziga "Inter"dan "Manchester Yunayted"ga o‘tgan edi. Futbolchining klub bilan amaldagi mehnat shartnomasi 2028 yilning yozigacha mo‘ljallangan. Transfermarkt portalida berilgan ma’lumotlarga ko‘ra, futbolchining bozor narxi 25 million yevroni tashkil qiladi.
Roziqjon Sultonmurodov
Jurnalist
