Olise «Bavariya»da eng yuqori maosh oluvchi futbolchi bo‘lishi mumkin
«Bavariya» Maykl Olise bilan shartnomani uzaytirishni rejalashtirmoqda. Bu haqda jurnalist Florian Plettenberg xabar berdi.
Futbolchining amaldagi kelishuvi 2029-yilgacha mo‘ljallangan. Qayd etilishicha, myunxenliklar Mayklga jamoaning eng yuqori maosh oluvchi futbolchisiga aylanish imkonini beradigan shartlarni taklif qilishga tayyor.
Bungacha 24 yoshli fransiyalik vingерga «Real» hamda «Liverpul» qiziqish bildirayotgani ma’lum qilingandi. Biroq Ispaniya klubiga yaqin manbalarning fikricha, Olise katta ehtimol bilan faoliyatini Myunxenda davom ettiradi. U Germaniyada o‘zini baxtli his qilmoqda.
Ma’lumot o‘rnida, bu mavsum vingер «Bavariya» safida 11 uchrashuvda maydonga tushib, 12 ta gol urgan va 5 ta assist amalga oshirgan.
Eslatib o‘tamiz, Olise 2024-yil yozida Angliyaning «Kristal Pelas» klubidan 60 million yevro evaziga «Bavariya» safiga ko‘chib o‘tgandi.
