OKMK yana «Gʻazalkent» ustidan zafar quchdi
FIFA kunlari munosabati bilan chempionatlarda yuzaga kelgan tanaffusdan unumli foydalanish maqsadida OKMK futbol klubi Pro Liga vakili "Gʻazalkent" jamoasiga qarshi 4–5-iyul kunlari ikkita nazorat uchrashuvi oʻtkazdi.
Har ikki bahsda ham "konchilar" ishonchli oʻyin namoyish etib, gʻalabaga erishdi. Dastlabki uchrashuv 3:1, ikkinchi nazorat bellashuvi esa 5:1 hisobida OKMK foydasiga yakunlandi.
Birinchi uchrashuvda Hazratjon Tursunqulov, Nodirbek Abdurazzoqov va Rian Islamov bittadan gol muallifi boʻldi.
Ikkinchi bahsda esa Urosh Koyich, Siyavash Haqnazari raqib darvozasini bir martadan ishgʻol qilgan boʻlsa, Mirjamol Qosimov xet-trik qayd etib, jamoamizning yirik gʻalabasiga munosib hissa qoʻshdi.
Birinchi uchrashuvdagi tarkibimiz: Muhammad Ubaydullaev, Ahmadullo Muqimjonov, Abubakr Rizo Turdialiev, Abror Sarimsoqov, Shahzod Toirov, Eldorbek Begimov, Rian Islamov, Arihiro Sentoku, Hazratjon Tursunqulov, Ali Abdurahmonov, Nodirbek Abdurazzoqov
Ikkinchi uchrashuvdagi tarkibimiz: Javohir Ilyasov, Dilshodbek Ahmadaliev, Avazbek Olmasaliev, Abror Karimov, Saidafzalkhon Ahraorov, Georgi Papava, Siyavash Haqnazari, Mirjamol Qosimov, Aziz Xolmurodov, Asadbek Sobirjonov, Urosh Koyich.
