Odil Abdumajidov yana Superligada to‘p suradi
Yosh himoyachi "Qizilqum" bilan shartnoma imzolash arafasida
Rasm: sports.kz
24 yoshli o‘zbekistonlik himoyachi Odil Abdumajidov faoliyatini "Qizilqum" jamoasida davom ettiradi. Bu haqda "Futbol yangiliklari" Telegram-kanali xabar berdi.
1 iyuldan beri u erkin agent maqomida. Abdumajidov joriy mavsumda Qozog‘istonning "Turan" (Turkiston) klubi safida 14 uchrashuvda maydonga tushgan, biroq gol yoki assist bilan ajralib chiqa olmadi.
U Qozog‘istonga yo‘l olguniga qadar "Andijon", "Metallurg", "Olimpik" va "Dinamo" kabi o‘zbek klublarida to‘p surgan. 2022 yili esa "Ordabosi" sharafini ham himoya qilgan.
Transfermarkt sayti ma’lumotiga ko‘ra, futbolchining transfer bahosi 400 ming yevroni tashkil etadi.
Bakradze Iman
Redaktor