Odegaard jarohati sabab kamida bir oyga safdan chiqdi
Futbolchi APL doirasida “West Ham”ga qarshi bahsda tizzasidan jarohat olgandi.
ФОТО: Getty images
“Arsenal” sardori Martin Odegaard jarohati sabab kamida bir oy davomida jamoasiga yordam bera olmaydi. Bu haqda The Athletic xabar berdi.
Manbaga ko‘ra, futbolchi 4-oktabr kuni APL doirasida “West Ham”ga qarshi o‘yinda tizzasidan jarohat olgandi.
Qayd etilishicha, norvegiyalik 26 yoshli hujumkor yarim himoyachi jarohat sabab noyabr oyi oxirigacha safdan chiqqan.
Shu tariqa, Odegaard “Fulham”, "Crystal Palace", "Burnley", "Sunderland", "Atletico" va "Slavia"ga qarshi o‘yinlarni o‘tkazib yuborishi aniq.
Katta ehtimol bilan u 23-noyabr kungi London derbisidagi “Tottenham”ga qarshi bahsga qadar safga qaytishi kutilmoqda.
Ma’lumot uchun, Odegaard joriy mavsumda 7 ta o‘yinda 2 ta golli uzatma berdi.
Roziqjon Sultonmurodov
Jurnalist
