«Nyukasl» Yaysslega 11 million yevro to'laydi
Angliyaning "Nyukasl" klubi yangi bosh murabbiy tayinlash arafasida.
Insayder Fabrizio Romanoning X ijtimoiy tarmog‘ida ma’lum qilishicha, klub Saudiya Arabistonining "Al-Ahli" jamoasiga bosh murabbiy Mattias Yayssle uchun 11 million yevro miqdorida tovon puli to‘laydi.
Manbaga ko‘ra, 38 yoshli germaniyalik mutaxassis bilan 2030 yil yozigacha amal qiladigan shartnoma tuziladi.
Shuningdek, Yayssle 1 avgust, shanba kuni "Nyukasl"ning yangi bosh murabbiyi sifatida rasmiy tanishtirilishi kutilmoqda.
Avvalroq "Nyukasl"ning sobiq bosh murabbiyi Eddi Xau rahbariyatni faoliyatida tanaffus qilish niyati haqida xabardor qilib, o‘z lavozimini tark etgani ma’lum qilingan edi.
Mattias Yayssle "Al-Ahli"ni 2023 yil yozidan beri boshqarib kelmoqda. Uning Saudiya klubi bilan amaldagi shartnomasi yana bir yildan keyin o‘z yakuniga yetadi.
