«Nyukasl» APL tarixidagi eng kech kiritilgan gʻalaba golini urdi

«Nyukasl» futbolchisi Xarvi Barnsning Angliya chempionati 21-turida «Lids»ga qarshi o‘yinda urgan goli (102-daqiqa, 101:48) APL tarixidagi eng kech kiritilgan g‘alaba goli bo‘ldi. Bu ko‘rsatkichlar 2006/2007 yilgi mavsumdan buyon yuritila boshlanganidan beri qayd etilgan eng so‘nggi hal qiluvchi gol hisoblanadi, deya xabar bermoqda OptaJose.

Hozirda «Nyukasl» 32 ochko jamg‘arib, Angliya chempionati turnir jadvalida 6-o‘rinni egallab turibdi. «Lids» esa 22 ochko bilan 16-pog‘onada joylashgan.

Keyingi turda «Nyukasl» «Vulverxempton»ga qarshi bahs olib boradi. Uchrashuv 18 yanvar kuni bo‘lib o‘tadi. Bungacha esa jamoa 10 yanvar kuni Angliya Kubogida «Bornmut»ga, 13 yanvar kuni Liga Kubogida «Manchester Siti»ga qarshi maydonga tushadi.

Nasrullo Karimov

Jurnalist